FaktProblem

Koronavirus üçün bir qəpik də ödəməyən deputat Londonda 4-cü evini aldı – ÜLVİ QULİYEV HAQDA YENİ İDDİA

reklam...

Millət vəkili Ülvi Quliyev haqqında olduqca ciddi ittihamlar səsləndirilib.

“SAVAŞ” xəbər verir ki, bu haqda araşdırmaçı jurnalist Cavanşir Həsənli paylaşım edib. Məlumatda vurğulanır ki, Ülvi Quliyev ölkənin ən iri dərman şirkətlərindən və apteklər şəbəkəsindən birinin sahibidir:

“Bunu bilməyən yoxdur. Amma onun apteklərində bu gün spirt, maska varmı, qiyməti nədir, bilmirəm. Məlum olanı odur ki, apteklərində həm də koronavurusa qarşı vasitələr satdıran deputatın Koronavirusla Mübarizə Fonduna yardım edənlər arasında adı yoxdur.

Amma bundan cəmi bir ay əvvəl – hələ Avropaya koronavurus yenicə yayılmağa başlayanda və Ümumdünya Səhiyyə Təşkilatı bu qorxunc bəla haqqında ilk xəbərdarlıqlarını edəndə cənab Quliyev Londonda dəyəri 700 min funt olan 4-cü ev üçün sövdələşmişdi”.

İddiaya görə, deputat bu il martın 2-də oğlunun Londondakı UGANO LİMİTED şirkəti vasitəsilə İngiltərənin Hampshire Trust Bankı üzərindən 124 SQUİRES LANE ünvanındakı daşınmaz əmlaka ödəniş edib. Jurnalist xatırladır ki, Britaniya paytaxtının bu səmtindəki evlərin dəyəri 500 mindən 1 milyon funta qədər dəyişir:

“Bundan əvvəl isə 2019-cu ilin fevralında deputatın oğlu Orxan Quluzadə Londonun SELLİNCOURT ROAD 149 və 151 ünvanlarındakı iki ev üçün sövdələşib. Sövdələşmə Britaniyanın Lendinvest Security Trustees Limited şirkəti vasitəsilə edilib. Əmlak şirkətləri həmin mənzillərin birini 750 min, digərini isə 500 min funt dəyərində qiymətləndirirlər.

Hampshire Trust Bankı üzərindən ötən ilin iyununda həyata keçirilən daha bir sövdələşmə isə BARNET, 20 MAYS LANE-dəki daşınmaz əmlaka – 4 otaqlı mənzilə aid olub. Yerli əmlak agentləri tərəfindən mənzil 712-787 min funt aralığında dəyərləndirilir”.

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button
Close