Aktual

Hesablama Palatası “Azərsu”dakı korrupsiyanı ifşa etdi

Hesablama Palatası kəndlərdə əhalinin içməli su təchizatını yaxşılaşdırmaq üçün dövlət büdcəsinin hesabına qurulan modul tipli sutəmizləyici qurğularla bağlı araşdırma aparıb.

Savash.org xəbər verir ki, araşdırma ilə bağlı iqtisadçı-ekspert Rövşən Ağayev fikirlərini paylaşıb.

İqtisadçının sözlərinə görə, “Azərsu” ASC-nin yol verdiyi maliyyə nöqsanları araşdırmada əksini tapıb:

– “Azərsu” ASC modul tipli qurğuları istismara qəbul edən zaman 17 ədəd və ya 186839,8 manat dəyərində avtomobil və motosikletlər şirkətə verilməyib və Ekologiya və Təbii Sərvətlər Nazirliyinin istifadəsində qalıb. Nəticədə 2018-ci ildə “Azərsu” ASC-nin regional su-kanal idarələri tərəfindən modul tipli sutəmizləyici qurğulara xidmətin, eləcə də istismar zamanı tələb olunan mal-materialların çatdırılmasını təmin etmək məqsədilə mal-material xərclərindən 12 ədəd 382320,0 manat (ƏDV ilə) dəyərində UAZ avtomobilləri alınaraq istifadəyə verilib.

– Prezident sərəncamına əsasən, ölkənin 15 rayonunun 100 yaşayış məntəqəsində modul tipli sutəmizləyici qurğuların quraşdırılması işlərinin həyata keçirilməsi nəzərdə tutulsa da, bəzi quraşdırma işlərinin dəyərinin cari bazar qiymətlərindən yüksək götürülməsi nəticəsində 15 rayonda cəmi 90 ədəd və ya sərəncamda qeyd edilmiş say həddindən 10 ədəd az olmaqla modul tipli sutəmizləyici qurğu quraşdırılıb.

– Forma-2 aktlarının seçmə üsul əsasında sənədli araşdırılması ilə 9 obyektdə 988234,4 manat məbləğində quraşdırma işlərinin dəyərinin 192343,8 manat artırıldığı müəyyən edilib.

– Respublikanın 7 inzibati rayonunun cəmi 46 yaşayış məntəqəsini içməli su ilə təmin edən 39 modul tipli sutəmizləyici qurğuların 5091160,7 manat dəyərində quraşdırma işlərinin nəzarət-ölçü üsulu ilə yoxlanması zamanı 1523481,5 manat dəyərində nöqsan və çatışmazlıqların olduğu aşkar edilib.

– 28 mart 2017-ci ildə Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə bir mənbədən satınalma metodundan istifadə etməklə 16000000,0 manat məbləğində birbaşa müqavilə bağlanması üçün icazə istənilib. Xidmət 10.04.2017-ci il tarixli razılıq məktubu ilə müqavilənin bağlanmasına razılıq verilib. Lakin sonradan müqavilədə razılıq məktubunda qeyd edilmiş şirkət deyil, başqa şirkət olub və o, icraçı kimi fəaliyyət göstərib.

1-ci bəndə baxın, qurğulara xidmət etmək üçün nəqliyyat vasitələri alınır, sonra qurğulara xidmət üzrə səlahiyyət bir dövlət qurumundan digərinə keçəndə kimsə bu vasitələri özündə saxlamağa qərar verir. Yeni səlahiyyət alan qurum da gedir onminlərlə büdcə puluna yenilərini alır.

3-cü bəndə baxın, 20% qiymət şişirtməsindən söhbət gedir.

4-cü bəndə baxın, xərclənən vəsaitlərin hər 3 manatından 1-də nöqsan tapılıb.

reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button