Dünya
Lukaşenko Putinə belə qəzəbləndi
Belarusun heç bir telekanalı Rusiya prezidenti Vladimir Putinin Yeni il müraciətini ilk dəfə olaraq yayımlamayıb.
Virtualaz.org saytı “Новый регион” portalına istinadən xəbər verir ki, Putinin Yeni il təbrikinin bir neçə Belarus telekanalında canlı yayımlanacağı öncədən elan edilsə də TV kanallarının rəhbərləri sonda Putinin yox, Belarus prezidenti Aleksandr Lukaşenkonun xalqa müraciətini efirə verməyə üstünlük veriblər.
Moskva ilə Minskin saat qurşaqları indi üst-üstə düşdüyündən ortaya sual çıxır: Belarus TV-ləri nəyə görə, hansı cəsarətlə belə qərar verib?
Belarus xalqı artıq 20 ildən çoxdur ki, Yeni il təbrikini əvvəlcə Rusiya prezidentinin dilindən eşidib, sonra da öz prezidentini dinləməli olub.
