Əl-Qaidə Paris terrorunun məsuliyyətini üzərinə götürdü
Əl-Qaidənin Yəməndə mənzillənən yerli qrupu adından yayımlanan videoda təşkilat Fransadakı satirik jurnalına hücuma görə məsuliyyəti öz üzərinə götürüb.
Məhəmməd Peyğəmbərin təhqirinə görə hücum barədə əmri Əl-Qaidənin ali rəhbəri Ayman Zəvahiri verib, \”Əl-Qaidə Ərəbistan yarımadasında\” təşkilatının nümayəndəsi bildirir.
Bundan əvvəl peyda olan daha bir videoda Charlie Hebdo jurnalına hücum edən qardaşlardan biri – Cherif Kouachi \”Əl-Qaidə Ərəbistan yarımadasında\” təşkilatı adından hərəkət etdiyini deyib.
Hərçənd ki, təşkilatın özü belə bir təsdiqlə ilk dəfə çıxış edib.
Yanvarın 7-də Said və Cherif Kouachi qardaşlarının Parisdəki Charlie Hebdo satirik jurnalının redaksiyasına basqını nəticəsində 11 adam qətlə yetirilib. Daha bir nəfər – polis əməkdaşı – küçədə güllələnərək öldürülüb.
Hadisə yerini tərk edən basqınçılar polis tərəfindən öldürülüb
