Dünya
Ukraynada şiddətli döyüşlər: separatçılar xeyli itki verdi
Ukraynanın şərqində Donetsk aeroportunda şiddətli döyüşlər davam edir.
Bu haqda Ukrayna Milli Təhlükəsizlik Şurasının informasiya mərkəzinin spikeri Andrey Lısenko açıqlama verib.
\”Donetsk aeroportu yaxınlığında amansız döyüşlər gedir. Aeroportun uçuş-enmə zolağı tamamilə sıradan çıxarılıb\”, – deyə o, bildirib.
Onun sözlərinə görə, Ukrayna ordusu rusiyameyilli separatçıları ağır itkilərə məruz qoyub.
Qeyd edək ki, bundan əvvəl Ukrayna Milli Təhlükəsizlik Şurası açıqlama vermişdi ki, Rusiya qoşunları ölkənin şərqində döyüşlərin getdiyi zonada Ukrayna hərbçilərinə hücüm edib.
