Dünya
Fransalı girov sərbəst buraxıldı
Mərkəzi Afrika Respublikasında bir müddət əvvəl silahlıların əlinə girov düşən Fransa vətəndaşı Klodiya Priest sərbəst buraxılıb. 67 yaşlı qadın həftənin əvvəlində paytaxt Banqidə itkin düşmüşdü.
O, Mərkəzi Afrika Respublikasında humitar yardım təşkilatında fəaliyyət göstərib.
Ölkənin xarici işlər naziri Loran Fabiüs Fransa vətəndaşının sərbəst buraxılması üçün göstərdiyi xidmətinə görə yerli hökumətə və Banqi şəhərinin baş keşişinə minnətdarlığını bildirib.
Qadının kimlər tərəfindən girov götürüldüyü və faktın təfərrüatlarına dair məlumat verilmir.
Mərkəzi Afrika Respublikasında dini zəmində baş qaldıran zorakılıqlar artıq 2 ildir ki, davam edir.
