Puşkinin heykəli oğurlandı

Böyük rus şairi Aleksandr Puşkinin Moskvanın Narodnoye Opolçeniye küçəsindəki heykəli yoxa çıxıb.

Report.az ASS-a istinadən xəbər verir ki, vandallar yazıçının tunc profilini oğurlayıblar. Heykəl zərif və yüngül görünsə də çəkisi az olmayıb. Onu aparmaq üçün texnikadan istifadə etmək tələb olunur.

1974-ci ildə qoyulan abidə artıq bir dəfə oğurlanıb. Lakin bu dəfə oğurluq \”Ədəbiyyat ili\”nə təsadüf edib. Hazırda polis abidənin axtarışı ilə məşğuldur.

Digər versiyaya görə, heykəl təmir işləri ilə bağlı götürülüb. Park yaxınlığında yerüstü piyada keçidi inşa olunduqdan sonra yazıçının büstü yerinə qaytarılacaq.