ABŞ-ı növbəti kütləvi etiraz aksiyaları bürüdü – (Fotolar)

Böyük Jürinin qaradərili vətəndaşı saxlayan zaman güc tətbiq edən polisə qarşı ittiham irəli sürməməyə qərar verdikdən sonra Nyu-Yorkda etiraz aksiyaları başlayıb.

Bu barədə azvision.az Rusiya KİV-nə istinadən xəbər verir.

Nyu-York küçələrinə çıxan yüzlərlə etirazçılar “Mən nəfəs ala bilmirəm” kimi şüarlar səsləndiriblər. Etiraz aksiyaları Vaşinqton və digər şəhərlərdə də keçirilir.

Qeyd edək ki, bu ilin iyul ayının 17-də Nyu-Yorkda 29 yaşlı polis Deniel Pantaleo qanunsuz siqaret satışına görə, 43 yaşlı qaradərili Erik Qarneri həbs etməyə cəhd edib. Polis 6 uşaq atası Erikə qarşı boğucu fənddən istifadə edib. Nəticədə isə piylənmə və astmadan əziyyət çəkən kişi boğulub.