Dünya

Səfirlərin olduğu helikopteri “Taliban”çılar vurubmuş

Səfirlərin olduğu helikopteri “Taliban”çılar vurubmuş
Pakistanda fəaliyyət göstərən “Taliban” qruplaşması içərisində diplomatların olduğu helikopterin qəzaya uğramasına görə məsuliyyəti öz üzərinə götürüb.

APA-nın xarici mətbuata istinadən verdiyi məlumata görə, taliblər bəyan ediblər ki, helikopterdə Pakistan baş naziri Navaz Şərifin olduğunu düşünüblər.

“Helikopter zenit raketi ilə vurulub. Nəticədə pilotlar və xarici ölkələrin səfirləri ölüb”, – deyə “Taliban”ın bəyanatında vurğulanıb.

Xatırladaq ki, bu gün Pakistanda göyərtəsində xarici ölkə nümayəndələrinin olduğu Mi-17 helikopteri qəzaya uğrayıb. Qəza nəticəsində Norveç və Filippinin Pakistandakı səfirləri ölüb. “Dawn” qəzeti hadisə zamanı Malayziya və İndoneziya səfirlərinin həyat yoldaşlarının öldüyü barədə xəbər yayıb. Ümumiyyətlə iki pilot daxil olmaqla, 6 nəfər ölüb. Polşa və Niderland səfirləri isə yaralanıb.

Azərbaycanın bu ölkədəki səfiri Daşqın Şikarov isə tam təsadüf nəticəsində həmin qəzanın qurbanı olmayıb.

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button