Dünya

İtkin düşən tələbənin cəsədi tapıldı

İtkin düşən tələbənin cəsədi tapıldı
Aleksandr Mora Meksikanın axtatrdığı 43 tələbədən biridir

Meksikada bir müddət əvvəl Qerrero ştatında itkin düşən 43 tələbədən birinin meyitinin qalıqları aşkarlanıb.

ANS PRESS-in məlumatına görə, rəsmilər meyitin Kokula şəhər zibilxanasında aşkarlandığını açıqlayıblar. Meyitin Aleksandr Mora adlı gəncə aid olduğu bildirilir.

Sentyabr ayının 26-sında itkin düşən tələbələrin polis tərəfindən oğurlanaraq narkotik ticarətçilərinə satıldığı və yandırıldığı məlumdur. Dəhşətli cinayətdə hadisənin baş verdiyi İquala şəhərinin meri də iştirak edib.

Faktla bağlı aparılan istintaq çərçivəsində 70-dən çox şübhəli saxlanılıb. Şübhəlilərin əksəriyyəti təqsirini etiraf edib.

Ötən gün paytaxt Mexikoda baş tutan növbəti irimiqyaslı etiraz aksiyası zamanı fəallar öldürülən şəxslərə ədalət şüarları ilə çıxışlar ediblər.

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button