\”Boko Haram\” 50 nəfərin başını kəsdi

Nigeriyanın şimalında silahlıların həyata keçirdiyi növbəti hücum nəticəsində onlarla adam həlak olub.

Savash.org BBC-yə istinadən xəbər verir ki, Çad gölü yaxınlığında həyata keçirilmiş hücum zamanı göl sahilində balıq satışı ilə məşğul olan 50-dək adam ödürülüb.

Yerli sakinlərin ifadələrinə əsasən, silahlılar əvvəlcə yolu bağlayıblar, sonra onlarla adamın boğazını kəsib, qalanlarını isə əl-qolunu bağlayaraq gölə atıblar.

Son bir neçə gün ərzində bu, Borno ştatında sayca ikinci irimiqyaslı hücumdur.
Qətliamın 4 yaraqlının güllələnməsinə cavab olaraq \”Boko Haram\”ın qisas aksiyası olduğu ehtimal edilir.