Dünya

İranda SEPAH-ın Kəşfiyyat İdarəsinin rəisinə sui-qəsd edildi

İran İnqilab Keşikçiləri Qvardiyasının (SEPAH) Təhlükəsizlik İdarəsinin (kəşfiyyat) rəisi Hüseyn Tayebəyə sui-qəsd edilib.

Məlumatı “Alarabiya.net” yayıb.

“Terror Alarm” tviter səhifəsində hadisədən sonra kəşfiyyat rəisinin hospitala yerləşdirildiyinə dair xəbər yayıb.

Bildirilib ki, İsrailin təhlükəsizlik orqanları onun Türkiyə və başqa ölkələrdə israilli turistlərə qarşı sui-qəsddə iştirakını təsdiqləyərək fəaliyyətini izlədiklərini açıqlayıblar.

Məlumata görə, İranda baş verən nüvə alimləri və qvardiya zabitlərinin müəmmalı ölümlərindən sonra Hüseyn Tayebə bu yaxınlarda işdən çıxarılıbmış.

H.Tayebə 1963-cü ildə Tehranda anadan olub. O, qvardiyanın əsas kadr bazası sayılan yarımhərbi “Bəsic” təşkilatının başçısı işləyib. 2009-2019-cu illərdə isə İnqilab Keşikçiləri Qvardiyası kəşfiyyatı başçısının koməkçisi olub. Onun adı ölkədə bəzi din xadimlərinin qalmaqallı qətllərində də hallanır.

Hüseyn Salaminin qvardiyaya rəhbərlik etdiyi dövrdə (2019-cu ildən) SEPAH-ın Kəşfiyyat İdarəsi ilə Strateji Kəşfiyyat birləşdirilərək İnqilab Keşikçiləri Qvardiyası Kəşfiyyat Təşkilatı adlanıb. Yeri gəlmişkən, 2006-cı ildə BMT Təhlükəsizlik Şurasının 1737 saylı qətnaməsinə əsasən, ballistik raketlər üzrə proqramda iştirakına görə Hüseyn Salamiyə sanksiya tətbiq edilib.

Loading...
reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button