Dünya

“Putin təslimiyyət aktını bu şəhərdə imzalasın” – Polşa prezidentindən Zelenskiyə təklif

Polşa prezidenti Anjey Duda Ukraynanın dövlət başçısı Volodimir Zelenskiyə maraqlı təklif verib.

Yenisabah.az UNIAN-a istinadla xəbər verir ki, o, Rusiyanın məğlub olduqdan sonra kapitulyasiya aktı imzalaması mərasiminin Pereyaslavda baş tutmasını xahiş edib:

“Mən dedim ki, Volodimir, tariximizə baxaq, bu yollar bir vaxtlar necə ayrılıb… Xahiş edirəm, Rusiyanı məğlub edəndə və ruslar kapitulyasiya üçün diz çökəndə, onları Pereyaslava aparın, qoy, sizinlə sülhü orada imzalasınlar. Qoy, bütün o illərdə davam etmiş sovet və rus təsirinin üstündən xətt çəkilsin və çarizm dövründən son vaxtlara qədər davam edən əsarətin özü əsarət altında qalsın”.

Qeyd edək ki, paytaxt Kiyevin yaxınlığında yerləşən Pereyaslav şəhəri slavyan xalqlarının tarixi baxımından önəmli nöqtələrdən biridir. 1239-cu ildə monqol istilası zamanı dağıdılan şəhərdə daha sonra – 1654-cü ildə Şərqi Ukraynanın Moskva knyazlığına ilhaqı barədə razılaşma imzalanıb. Razılaşmanı imzalayan kazak atamanı Xmelnitskinin şərəfinə uzun müddət şəhər Pereyaslav-Xmelnitski adlandırılıb.

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button