Konqres İŞİD-lə müharibəni təsdiq etdi – 584 milyardlıq büdcə
ABŞ Konqresi İŞİD-lə mübarizənin genişlədilməsini də əhatə edən 584 milyard dollarlıq müdafiə büdcəsini təsdiqləyib.
Avropa.info-nun xarici mətbuata istinadən verdiyi məlumatda bildirilir ki, Konqres Suriya və İraq ərazisində İŞİD-ə qarşı əməliyyatların genişlədilməsi üçün nəzərdə tutulan 584 milyardlıq büdcəni təsdiqləyib, 2015-ci ilin 1.1 trilyon dollarlıq büdcəsi isə təsdiqlənməyi gözləyir.
Layihə prezident Barak Obamanın imzası ilə qüvvəyə minəcək. Büdcə layihəsində həmçinin İŞİD-ə qarşı hava hücumları üçün 5 milyard dollar ayrılması, İraqa 1500 -ə qədər canlı qüvvənin göndərilməsi və İraq hökumətinə harbi xərclər üçün 1.6 milyard dollar yardım edilməsi də nəzərdə tutulur.
Layihə həmçinin Pentaqona Suriya müxalifətinə yardım etmək hüququ da tanıyır.
