Dünya
Ağ Ev Dövlət Departamentini təkzib etdi
Prezident Barak Obama Rusiyaya qarşı yeni sanksiyaların tətbiq edilməsi ilə bağlı qanun layihəsini hələ imzalamayıb.
APA-nın İTAR-TASS-a istinadən verdiyi məlumata görə, bu barədə agentliyə məsələnin detalları ilə ətraflı tanış olan ABŞ administrasiyasının rəsmi nümayəndəsi bildirib.
\”Prezident Obama qanun layihəsini hələ imzalamayıb”, deyə mənbə bildirib.
Xatırladaq ki, bir neçə saat əvvəl ABŞ Dövlət Departamentinin sözçüsü Cen Psaki prezident Barak Obamanın Rusiyaya qarşı yeni sanksiyaların tətbiq edilməsi ilə bağlı qanun layihəsini imzaladığını bildirmişdi. Onun sözlərinə görə, adıçəkilən qanun layihəsi Ukrayna hökumətinə silah-sursatın tədarükünü də nəzərdə tutur.
