Fakt
Sumqayıtda 5 mərtəbəli binada yanğın: 15 nəfər təxliyyə olundu
Sumqayıtda bina evində yanğın olub.
Virtualaz.org Fövqəladə Hallar Nazirliyinin saytına istinadən bildirir ki, şəhərdəki beşmərtəbəli yaşayış binalardan birinin 1-ci mərtəbəsində vətəndaşa məxsus ümumi sahəsi 50 kv.m olan 3 otaqlı mənzilin 1 otağının dəhlizinin yanar konstruksiyaları və ev əşyaları 20 kv.m sahədə, 2-ci mərtəbəsində vətəndaşa məxsus ümumi sahəsi 50 kv.m olan 3 otaqlı mənzilin eyvanında isə pəncərə qismən yanıb.
Yanğın zamanı 15 nəfər yanğınsöndürənlər tərəfindən binadan təxliyyə olunub. 2 nəfər sakin tüstüdən zəhərlənib və Təcili Tibbi Yardım Stansiyasının həkimləri tərəfindən xəstəxanaya aparılıb. Mənzilin qalan hissəsi yanğından mühafizə olunub.
Yanğın saat 10:20-də yanğınsöndürənlər tərəfindən söndürülüb.
