Köpəkbalığı turisti yedi

Misirdə Qırmızı Dəniz kurortu yaxınlığında nadir köpəkbalığı hücumu nəticəsində alman turist ölüb.

Köpəkbalığı 52 yaşlı kişinin ayağını dizindən dişləyib. Hücum bazar günü, əl-Qusair şəhərinin yaxınlığında baş verib. Son beş il ərzində ilk dəfədir ki, belə bir hadisə baş verir.

Köpəkbalığının növü barədə məlumat təsdiqlənməyib. 2010-cu ildə baş verən silsilə hücumlar nəticəsində məşhur Şarm əş-Şeyx kurortunun bir hissəsi bir həftəlik bağlanılmışdı.

Qahirədəki Almaniya səfirliyi deyib ki, ölüm barədə xəbərdardır lakin əlavə şərh vermək iqtidarında deyil.