\”QAİ\” maşını saxladı, narkotik tapıldı, 2 sərnişin düşüb qaçdı…

2 sərnişin avtomobildən düşərək qaçıb.

Yol polisinin saxladığı avtomobildən narkotik vasitə tapılıb.

Savash.org-un Daxili İşlər Nazirliyinin mətbuat xidmətinə istinadən verdiyi məlumata görə, aprelin 5-də Bakı şəhər sakini Elşad Novruzov idarə etdiyi \”Nissan\” markalı avtomobillə yol hərəkəti qaydalarını pozduğu üçün BDYPİ YPXA-nın İsmayıllı rayonu ərazisindəki daimi postunda saxlanılıb.

Bu zaman avtomobildəki 2 sərnişin avtomobildən düşərək qaçıb.

Avtomobilə baxış zamanı 241,49 qram marixuana götürülüb.

E.Novruzov müayinədən keçirilib və onun narkotik vasitənin təsiri altında olması müəyyən edilərək İsmayıllı RPŞ-yə təhvil verilib.