Fakt

Tanınmış telejurnalist erməni kəşfiyyatçısına görə MTN-ə çağırıldı

Tanınmış telejurnalist erməni kəşfiyyatçısına görə MTN-ə çağırıldı Azərbaycanın Mədəniyyət və Turizm Nazirliyi Bakıda erməni kəşfiyyatçısı haqda film çəkilişindən bəhs edən və haqqin.az saytında dərc edilmiş xəbərə operativ reaksiya verib.

Nazirlik bildirib ki, Rusiyanın “Rossiya-1” telekanalının sifarişi ilə sovet kəşfiyyatçısı Gevork Vartanyanın fəaliyyətindən bəhs edən “Lend-Liz” filminin Azərbaycan ərazisində çəkilişlərinə rəsmi icazə verilməyib.

Gevork Vartanyan 1943-cü ildə İranda alman casuslarına qarşı fəaliyyət göstərib və SSRİ, Böyük Britaniya və ABŞ liderlərinə sui-qəsdin qarşısını alıb. O, “Amir” ləqəbi ilə fəaliyyət göstərib.

Mövcud qaydalara əsasən Azərbaycan ərazisində film çəkilişləri aparmaq üçün xarici çəkiliş qrupu Mədəniyyət və Turizim Nazirliyinə müraciət etməlidir. Əgər filmin ssenarisi milli qanunvericiliyə və ənənələrə zidd deyilsə, onun çəkilişlərinə icazə veriləcək.

“İndiki halda bu filmlə bağlı bizə heç kim müraciət etməyib”- deyə nazirlikdən virtualaz.org saytına bildirilib.

Saytımıza o da məlum olub ki, Rusiyadan çəkiliş qrupunun Azərbaycana gəlişini təşkil edən telejurnalist Şakir Eminbəyli dindirilmək üçün MTN-ə çağırıb. MTN bununla Bakıda erməni kəşfiyyatçısının xatirəsinin əbədiləşdirilməsinə operativ reaksiya verib.

Sosial şəbəkələrdə isə həmin filmin çəkilişlərindən fotolar yayılıb. Bildirilir ki, çəkilişlər Bakının \”Sovetski\” məhəlləsində aparılıb.

Loading...
reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button