Ded Xasanın ölüm işi: azərbaycanlı qanuni oğru tutuldu
Rufət Gəncinski müstəntiqlərə Aslan Usoyanı öldürən şəxsin qaçma planını şəxsən hazırladığını etiraf edib.
Axar.az xəbər verir ki, bu barədə informasiyanı “Lifenews.ru” özünün etibarlı mənbələrinə istinadən yayıb.
Məlumatda hüquq mühafizə orqanları Rüfət Gəncinski adıyla tanınan Ülfət Tağıyevi Lyublinko bazarında Elxan Əliyev və kommersant İlham Əliyevi öldürməkdə şübhəli bilərək saxladıqları deyilib. İstintaq zamanı Ülfət Tağıyevin Ded Xasanın ölümü ilə bağlı bəzi informasiyalara sahib olduğu bəlli olub. Bundan əlavə, qanuni oğrunun 16 yanvar 2013-cü ildə Ded Xasanı öldürən killerin qaçma planını da hazırladığı müəyyən olunub. Mənbə həmçinin bu işi sifariş verən şəxsin adını çəkməkdən imtina edib.
Qeyd edək ki, Tağıyev uzun müddət Ded Xasanın əsas rəqibi olan Rövşən Lənkəranskinin klanın tərkibində fəalliyyət göstərib. Rusiya mətbuatı indiyə qədər Ded Xasanın ölümündə Rövşən Lənkəranskini təqsirkar hesab edir.
