Gündəm

“Altayla problemimiz olub” – NƏRMİNİN ATASI ŞOK SƏS YAZISINDAN DANIŞDI

Tovuz rayonunun Dondar-Quşçu kəndində 10 yaşlı Nərmin Quliyevanın qətli ilə bağlı “Youtube”da şok səs yazısı yayılıb.Səs yazısında naməlum şəxs N.Quliyevanın ölümündə 38 yaşlı Dondar Quşçu sakini Ələkbərov Altay Famil oğlunu günahlandırıb. O, bildirib ki, Nərmini məhz həmin şəxs qətlə yetirib. Eyni zamanda o, 069 nömrəli VAZ 2107 markalı avtomobili idarə edir. Onun atası kənddə riyaziyyat müəllimidir. 

Naməlum şəxs həmçinin qeyd edib ki, Əkbərov Altay kənddə tapança ilə gəzib, həttta qardaşının arvadını zorlayıb. Onun Nərmini  öldürməsini isə Ələkbərov Asif Əkbər oğlu və Rzayev Vüsal Tərlan oğlu görüb.

Məsələylə bağlı Nərmin Quliyevanın atası Şərif Quliyevlə əlaqə saxladıq.

O,  News24.az-a açıqlamasında deyilənlərlə bağlı bunları bildirib: “O səs yazısında adı çəkilən Altay mənim qonşumdur. Videoda onun haqqında deyilən ittihamların doğru olub-olmaması haqda heç nə deyə bilmərəm. Məsələlərdən də xəbərsizəm. Yalnız onu deyə bilərəm ki, o adam bizə yaxın  yaşayır, kənddə usta işləyir. Atası təqaüdçüdür, vaxtilə məktəbdə  mənə dərs deyib. İki il bundan əvvəl Altayla aramızda  problemimiz olub. O adam Kənddə mal-qara oğurlamışdı. Amma onu mənim üstümə atmaq istəyirdi, məni şərləməyə çalışırdı. Düzdür, o söhbətdən sonra biz barışdıq. Münasibətlərimiz də normaldır. Nərminin dəfninə gəlmişdi, hətta uşağın axtarışlarında da bizə kömək edirdi”.

Ş.Quliyev onu da qeyd elədi ki, adıçəkilən şəxs evlidir, iki oğlu var: “Onunla təkcə qonşu yox, həm də qohumuq. Yoldaşı mənimlə, həm də həyat yoldaşımla qohumdur. Bəzi cəhətləri var, amma onun qızımın ölümündə əli var, ya yox, onu deyə bilmirəm. İnanın ki, mən də dünəndən şokdayam”. 

reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button