Hadisə

14 saylı türmədə 10 etirazçı məhbus karsa salındı

14 saylı türmədə 10 etirazçı məhbus karsa salındıXəbər verildiyi kimi, dekabrın 22-də 14 saylı Cəzaçəkmə Müəssisəsində məhkum Elşad Babayevin işgəncə ilə öldürülməsinə dustaqlar etiraz ediblər. musavat.com cenubnews.com internet qəzetinə istinadən xəbər verir ki, bundan sonra etiraz edən məhkumların həyatı daha da ağırlaşıb. Belə ki, onlardan on nəfəri karsa salınıb. Həmən məhbuslar arasında Masallı rayonunda olan, şərlənərək 7 il azadlıqdan məhrum edilən inanc adamı Rza Ağalı da var.

Məlumatda bildirilir ki, hazırda həbsxana daxilində ciddi araşdırmalar gedir. İstisna deyil ki, digər məhkumlardan da karsa salınanlar olacaq. Əsasən həbsxananın “işverən” məhkumları öldürülən idmançı məhkum E.Babayevin ətrafındakı məhkumların üzünə durur və bundan sonra həmən dustaqlar cəza kamerasına salınır.

Daxil olan son məlumatda o da deyilir ki, artıq həbsxanada qanuni rejim sərtləşdirilib. “Yuxarı”dan gəlmiş məmurlar hadisə barədə ciddi araşdırma aparırlar. Görüşə gələn ailələr yaxınları ilə çox çətinliklə görüşə bilirlər.

reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button