Hadisə
Toyda qan düşdü: 24 yaşlı gənc bıçaqlandı
Gəncədə toy məclisində dava düşüb.
Kəpəz TV-nin verdiyi məlumata görə, 24 yaşlı şəhər sakini Kamran Kərimov gecə saat 1 radələrində qarının kəsilmiş-deşilmiş yaraları diaqnozu ilə Gəncə Şəhər TTYX-ya gətirilib.
Yaralı dərhal həkimlər tərəfindən əməliyyat olunub. Həkimlər onun vəziyyətini orta ağır kimi qiymətləndirirlər. İlkin məlumatlara görə, hadisəyə səbəb toy məclisində baş verən mübahisə olub.
Faktla bağlı cinayət işi açılıb. Hadisənin hansı zəmində baş verdiyi aparılan araşdırmalardan sonra məlum olacaq.
