Azərbaycanda ağır qəza: 4 yaralı

Oğuz rayonunda yol qəzası baş verib.

ANS PRESS-in bölgə müxbirinin məlumatına görə, \”Peugeot\” markalı minik avtomobili Oğuz magistral yolunun kənarında dayanan \”KamAZ\” markalı yük maşınına arxadan dəyib. Nəticədə \”Peugeot\”dakı 1 sürücü və 3 sərnişin yaralanıb. Yaralıları Şəki rayon mərkəzi xəstəxanasına aparıblar.

Hadisə səhərə yaxın baş verib. İlkin ehtimala görə, hadisəyə səbəb gecə vaxtı yolun sürüşkən olması və minik avtomobilinin öz hərəkət zolağından çıxması olub.

Faktla bağlı araşdırma aparılır.