Bakıda maşın oğrusu atasının \”Volqa\”sını da oğurladı

Bakıda atasının maşınını oğurlayan oğlan həbs edilib.

\”Report\” Daxili İşlər Nazirliyinə istinadən xəbər verir ki, Suraxanı Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində Mikayıl Məmmədova məxsus “VAZ-21063” markalı avtomobili qaçıran Bakı şəhər sakini Kamran Mürsəlov tutulub. Ətrafında aparılmış əməliyyat tədbirləri ilə onun ötən il oktyabrın 23-də atasına məxsus “QAZ-24” markalı avtomobili, habelə ötən il oktyabrın 16-da Bakı şəhər sakini İbrahim Salmanzadə ilə birgə Seyfulla Bədəlova məxsus “VAZ-2105” markalı avtomobili qaçırması da müəyyən edilib.

Həyata keçirilən əməliyyat-axtarış tədbirləri ilə İ.Salmanzadə də tutulub.

Faktla bağlı araşdırmalar aparılır.