Hadisə
Bakıda evləri su basdı
Gecə saatlarında paytaxtda yağan yağış bəzi sakinlərə çətinlik yaradıb.
ANS PRESS-in Fövqəladə Hallar Nazirliyinin (FHN) saytına istinadən məlumatına görə, Bakı şəhəri ərazisində yağan yağışlar nəticəsində, Xətai rayonunda yerləşən 3 fərdi yaşayış evinin həyətyanı sahəsinə su dolub.
Nəticədə, vətəndaşların evdən çıxması çətinləşib.
Hadisə yerinə xilasedicilər cəlb edilib, aidiyyəti qurumlar məlumatlandırılıb.
Keçirilmiş əməliyyat zamanı 5 nəfər təhlükəsiz əraziyə köçürülüb.
Əməliyyat saat 06:22-də başa çatıb.
