Marşrut avtobusunda qan töküldü: gənc oğlanı bıçaqladılar

Bakının Suraxanı rayonunda bıçaqlanma hadisəsi baş verib.

Suraxanı Rayon Polis İdarəsindən lent.az-a verilən məlumata görə, fevralın 21-i saat 21:20 radələrində Heydər Əliyev prospekti 41 ünvanının qarşısında, 136 saylı xətt üzrə hərəkət edən \”Daewoo\” markalı sərnişin avtobusunda 1993-cü il təvəlüdlü Əsgərov Nicat Füzuli oğlu bıçaqlanıb. 22 yaşlı oğlan 3 saylı şəhər xəstəxanasına yerləşdirilib.

Avtobusda qanlı əməl törədən şəxs və ya şəxslərin müəyyən edilərək məsuliyyətə cəlb edilməsi istiqamətində iş aparılır.

Qeyd edək ki, 136 saylı xətt avtobusu Mərdəkan qəsəbəsi ilə metronun \”28 May\” stansiyası arasında srnişindaşıma ilə məşğul olur.