Cəlilabadda güclü partlayış və yanğın: 4 yaralı var

Cəlilabad şəhərində ikimərtəbəli evdə partlayış olub.

Fövqəladə Hallar Nazirliyindən (FHN) azvision.az-a verilən məlumata görə, ümumi sahəsi 252 kv.m olan 10 otaqlı fərdi yaşayış evində yanğınla nəticələnən partlayış baş verib. Belə ki, yanğın evin 1-ci mərtəbəsində qeydə alınıb və sonradan partlayış olub. Partlayış zamanı 4 nəfər yanıq xəsarəti alıb.

Hadisə ilə əlaqədar müvafiq qurumlar tərəfindən təhqiqat aparılır.