Dövlət Baytarlıq Nəzarəti Xidməti Ucar şöbəsinin binası yandı

Ucar rayonunda güclü yanğın hadisəsi baş verib.

APA-nın xəbərinə görə, yanğın Kənd Təsərrüfatı Nazirliyi yanında Dövlət Baytarlıq Nəzarəti Xidməti Ucar rayon şöbəsinin inzibati binasınsda qeydə alınıb. Üç mərtəbəli binanın yuxarı hissəsində başlanan yanğın tezliklə bütün binanı əhatə edib.

Hadisə yerinə Fövqəladə Hallar Nazirliyinin Ucar və Göyçay rayonlarının Yanğından Mühafizə hissələrinin canlı qüvvəsi, texnikası cəlb olunub. Binada olan şəxslər evakuasiya edilib. Yanğın lokallaşdlrılıb.

Binanın tamamilə yandığı bildirilir. Hadisə nəticəsində xəsarət alan olmayıb.

Yanğının səbəbləri araşdırlıır.