Cövhər Dudayevin oğlu saxta pasport hazırlamaqda ittiham olunur

Litvada Çeçenistanın sabiq prezidenti Cövhər Dudayevin kiçik oğlunun məhkəməsi başa çatıb.

Saxta pasportları hazırlamaqda ittiham olunan Degi Dudayevə 940 avro məbləğində cərimə kəsilib. D.Dudayev bu məbləği 1 ay ərzində ödəməlidir.

Öz günahını etiraf edən sabiq prezidentin oğlu cinayəti Avropa ölkələrinə köçmək istəyən qohumlarına kömək məqsədi ilə törətdiyini bildirib. D.Dudayev qohumlarının hazırda Rusiyada yaşadığını deyib (APA).