Hadisə
Bakı metrosunda qatar sərnişini vurdu
Ötən gün metronun \”28 May\” stansiyasında sərnişini qatar vurub.
“Bakı Metropoliteni” QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev bununla bağlı azvision.az-a açıqlamasında bildirib ki, dünən saat 18:32-də \”Dərnəgül\”-\”Həzi Aslanov\” istiqamətində hərəkət edən 41 saylı qatar platformadan hərəkətə keçəndə qatarın arxa güzgüsü 1997-ci il təvəllüdlü Hüseynov İbrahim Zöhrab oğluna dəyib. Onun sözlərinə görə, səbəb sərnişinin təhlükəsizlik xətini keçməsi olub:
“Sərnişinin diqqətsizliyi ucbatından başı zədələnib. Hadisə yerinə təcili tibbi yardım çağrılıb və sərnişin təcili tibbi yardım briqadasına təhvil verilib”.
