Hadisə
Bakıda güllələnmə
Bu gün səhər Bakının Suraxanı rayonu ərazisində güllələnmə baş verib. Suraxanı rayon Polis İdarəsi 30-cu polis bölməsindən ANS PRESS-ə verilən məlumata görə, hadisə Hövsan kəndində qeydə alınıb.
Belə ki, saat 07 radələrində Hövsan kəndi ərazisində mağazaya oğuru girib. Bu zaman mağazanın gözətçisi 37 yaşlı Ramin Rüstəmov səs eşitdiyi üçün mağazanın qapısına yaxınlaşıb. O, içəridə oğuru olduğunu hiss edib.
Ramin Rüstəmov mağazaya girən oğrunu saxlamaq istəyib. Lakin oğru pnevmatik silahdan atəş açıb. Rezin güllə Ramin Rüstəmovun qarın nahiyyəsinə dəyib.
Ona ilkin tibbi yardım göstəriblər.
Polis oğrunun tutulması istiqamətində əməliyyata başlayıb.
Faktla bağlı araşdırma aparılır.
