“Bəli, “Barselona”dan təklif almışdım” – Xavi

“Əl-Sədd”in baş məşqçisi Xavi Hernandez “Barselona”nı çalışdırmaqdan imtina edib.

Qol.az “Mundo Deportivo”ya istinadən xəbər verir ki, bu barədə o, özü məlumat verib:

“Bəli, mən həqiqətən də “Barselona”dan təklif almışdım, amma onu qəbul etmədim. Çünki “Barselona”da işləməyin mənim üçün hələ tez olduğunu düşündüm. . Ancaq bu mənim gələcəkdəki xəyalım olaraq qalacaq.

Birinci növbədə mən öz qərarımı ailəmə bildirdim,  sonra “Əl-Sədd”in oyunçularına. Çünki onlar hadisələrin inkişafını izləyirdilər. Üç gün idi ki, bu söz-söhbətlərə görə komandamdan kənarda idim. İndi isə yenidən “Əl Sədd”dəyəm. Hər şey öz qaydasındadır”.

Qeyd edək ki, baş məşqçi Ernesto Valverdeni istefaya göndərən Kataloniya klubu onu Kike Setyenlə əvəzləyib.