Oyunçuları və fanatları \”Neftçi\”ni ziyana saldı

Bu gün AFFA-nın İntizam Komitəsinin iclası keçirilib. Yığıncaqda Topaz Premyer Liqasının XXII turunun oyunlarında baş verənlər müzakirə olunub.

“Qəbələ” ilə səfər oyununda “Neftçi”nin 4 futbolçusunun sarı vərəqə ilə cəzalanması “ağ-qaralar”ın 1000 manat məbləğində cərimələnməsinə səbəb olub. Matçın 52-ci dəqiqəsində “Neftçi”nin azarkeşləri tərəfindən pirotexniki vasitələrdən istifadə edildiyi üçün kluba əlavə 1000 manat cərimə kəsilib.

Qeyd edək ki, “Qəbələ”-“Neftçi” qarşılaşması qonaqların 3:1 hesablı qələbəsi ilə başa çatmışdı (apasport.az).