İran Ərdoğana niyə yalvardı?

“Şenol Günəşi futbol üzrə İran milli komandasına transfer etmək üçün bizə yalvarıblar\”.

ANS PRESS-in məlumatına görə, bu sözləri Mətbuat Elan Qurumunun sabiq baş direktoru, parlament seçkisində AKP-dən namizədliyə namizəd Mehmet Atalay deyib.

Atalay mətbuat nümayəndələri ilə keçirdiyi görüşdə maraqlı açıqlamalar verib.

“Başqa ölkələr bizə baş məşqçi göndərin deyə növbəyə dayanıblar. 2002-ci ildə dünya üçüncüsü olan Türkiyə milli komandasının baş məşqçisi Şenol Günəşə gələn təkliflər vardı. İranın, Şenol Günəşi milli komandasına transfer etmək üçün mənə də, o zamanın gənclər və idman naziri Mehmet Əli Şahinə də, baş nazir Rəcəb Tayyib Ərdoğana da yalvardıqlarını bilirəm”.