Futbolçu künc zərbəsindən iki dəfə birbaşa qol vurdu

Vietnam millisinin futbolçusu Nquen Ti Tuyet Dunq Asiya çempionatında Malaziya millisinə qarşı oyunda künc zərbəsindən iki dəfə qol vurub. Musavat.com xəbər verir ki, məlumatı Vietnamnet.vn saytı yayıb.

Vietnam millisi qarşılaşmada 7:0 hesabı ilə qalib gəlib. Dunq isə het-trikə imza atıb. O, üç qolundan ikisini birbaşa künc zərbəsindən vurub. Maraqlıdır ki, o, birinci dəfə sol, ikinci dəfə sağ ayağı ilə topa zərbə endirib. Bunlar 21 yaşlı qadın futbolçunun turnirdəki ilk qolları olub.