Idman

Robert Prosineçki: \”Mətbuata açıqlama verməyəcəm\”

Robert Prosineçki: "Mətbuata açıqlama verməyəcəm"Əvvəlcə \”Qarabağ\” – \”Neftçi\” matçının ilk hissəsini, daha sonra isə \”Xəzər Lənkəran\” – \”Qəbələ\” oyununu izləyən milli komandanın baş məşqçisi Robert Prosineçki oyundan sonra mətbuat nümayəndələrinin suallarını cavablandırıb.

Savash.org derbi.az-a istinadən həmin açıqlamaları təqdim edir.

-Oyun haqqında fikirlərinizi bildirin zəhmət olmasa.

-Yaxşı futbol izlədik. Təssüf ki bir komanda – “Xəzər Lənkəran” yaxşı futbol oynadı, ancaq bununla belə oyun çox xoşuma gəldi.

-“Neftçi” – “Qarabağ” oyunu haqqında nə deyərdiniz?

-O oyunda hər iki komanda çətinlik çəkirdi. Sadəcə ilk hissəni izləyə bildim. Birinci hissə etibarilə demək olar ki, bu oyun daha maraqlı idi.

-Tofiq Bəhramovdakı oyunu izləmək qabaqcadan planda yox idi. Necə oldu ki fikrinizi dəyişdiniz?

-Bir az vaxtım var idi, düşündüm ki boş keçirməkdənsə turun mərkəzi oyununu izləyim.

-\”Qəbələ\”nin heyətindəki milli oyunçular barəsində düşüncələriniz nədir?

-Bu gün “Qəbələ” bütün komanda olaraq pis oynadı, konkret ad çəkmək düzgün deyil. Hamsı pis oynadı.

-Gənclər millisinə baş məşqçi təyinatı olmalıdır. Bu barədə sizin fikrinizi soruşublarmı?

-Mənim də fikrimi soruşublar, təkliflər vermişəm. Məşqçilər komitəsi də təkliflər verəcək. Daha sonra isə İcraiyyə Komitəsi ilə birlikdə bir namizəd üzərində dayanacağıq.

-Daha əvvəl bildirmişdiniz ki, gənclərə daha çox üstünlük verəcəksiniz. Bugünkü oyunda gəncləri necə gördünüz?

-İlk gəldiyim vaxtlardan bəri yaxşı istedadlı gənc oyunçular görmüşəm. Müəyyən qeydlərim var. Özünüz də görəcəksiniz, yaxşı komandamız olacaq, istər gənc, istər yaşlı fərq etməyəcək, komandada ən yaxşı oyunçular oynayacaqlar.

-Xorvatiya mətbuatına görə köməkçiniz Yanko Yankoviç, Azərbaycan mətbuatına görə isə Elxan Abdullayev və Faiq Əzizov olacaq. Buna bir açıqlıq gətirsəniz yaxşı olar.

-Spekuliyasiyalara gərək yoxdur. Gələn həftə bu barədə dəqiq məlumat veriləcək.

-Artıq uzun müddətdir Azərbaycandasınız. Bir çox oyun izləmisiniz. Bir fikir formalaşıbmı? Necə bir komanda quracağınız haqqında ilkin qənaətiniz varmı?

-Təbii ki, bu barədə artıq müəyyən fikirlərim var. Ancaq bunu mətbuata açıqlamayacam.

reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button