Idman

Kadi Borges “Qarabağ”la, azarkeşlərlə, Azərbaycanla belə vidalaşdı – TƏSİRLİ PAYLAŞIM

2021-ci ildən “Qarabağ”da çıxış edən Kadi Borges Ağdam klubuna vida edib.

“SAVAŞ” xəbər verir ki, Kadi bu barədə məlumatı sosial şəbəkə hesabında paylaşıb.

Paylaşımı olduğu kimi təqdim edirik:

“Hər şey bir gün bitdiyi üçün başqa bir mərhələ bağlanır, demək istədiyim hər şeyi yazsam, sətirlər əskik olacaq, çünki Azərbaycanda yaşadıqlarım indiyə qədər həyatımdakı ən çılğın və ən gözəl şeylərdən biri idi.

Klub üçün mübarizə apardığım dövrlərdə mənə verdiyi hər şeyə, günü-gündən yanımda olan oyunçuların hər birinə və mənə kömək edən bütün heyətə görə “Qarabağ”a təşəkkürümü bildirirəm. İstisnasız olaraq hər birinizə gələn Kadini yeni Kadiyə çevirməyi bacardığınız üçün təşəkkür edirəm.

Klubda etdiyim hər şeyə, 74 oyun 28 qol 28 məhsuldar ötürmə, Liqa və Kubok çempionu, ən yaxşı bombardiri və mövsümün ən yaxşı oyunçusuna görə qürur hissi ilə klubdan ayrılıram. Bu o deməkdir ki, başımı dik tuturam…

Təsəvvür etmədiyim şəkildə məni qucaqlayan azarkeşlərimə xüsusi təşəkkürümü bildirirəm. Siz mənim həyatımda bənzərsiz idiniz.

Həyat yoldaşım və ailəm, mən sizinlə yaşadığım hər anı bizim evimizdə xüsusi bir yerdə yaşadacağam.

Bu gün karyeramda yeni bir çağırışa və fəslə keçirəm. Hər gün məni təəccübləndirdiyi üçün Allaha şükür edirəm. Onsuz bunların heç birinin mümkün olmadığına əminəm.

“Qarabağ” FK-ya, klubun heyətinə, oyunçularına və azarkeşlərinə sevgi və sonsuz ehtiramımı bildirirəm, hamınıza uğurlar arzulayıram.

Sevgi ilə, Kady20″.

Qeyd edək ki, 26 yaşlı futbolçu Rusiyanın “Krasnodar” klubu ilə 2026-cı il iyunun 30-dək müqavilə imzalanıb.

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button