Manşet

Şəhid ailəsi Laçın DSMF-nin müdirindən Prezidentə şikayət etdi: “Gərək, kimsə özünü yandırsın, ondan sonra…”

Şəhid ailəsi Laçın DSMF-nin müdirindən Prezidentə şikayət etdi: “Gərək, kimsə özünü yandırsın, ondan sonra...”Ağcabədi şəhəri, Əli Talıbov küçəsi ev 77 ünvanında yaşayan Şəhid ailəsi Talıbova Xanım Muxtar qızı tərəfindən Savash.org-un elekton ünvanına şikayət məktubu daxil olub. Şikayətçi saytımız vasitəsilə ölkə başçısı İlham Əliyevə müraciət edərək Laçın Dövlət Sosial Müdafiə Fondunun müdiri Ramiz Bəbir oğlu Mehdiyevin qanunsuz əməllərindən söz açır. Savash.org həmin müraciəti olduğu kimi dərc edir…

“Mən Şəhid ailəsi olaraq süründürməçiliyə, qanunsuzluğa məruz qalmışam.Buna görə də mətbuat vasitəsi ilə Prezident cənab İlham Əliyevə müraciət etmək istəyirəm.Cənab Prezident, ilk öncə belə bir sualla müraciət etmək istəyirəm: başqasının malına, əmlakına göz dikmək nə vaxtdan “Şərəf, Ləyaqət, Mərdlik, Kişilik” nümunəsi olub? Hələ o ki, qaldı tutduğu vəzifədən, şəxsi əlaqələrindən istifadə edərək Azərbaycan Respublikasının ərazi bütövlüyü, Torpaqlarımızın azadlığı uğrunda canından, qanından keçmiş Şəhidin Ailəsinin əmlakına göz dikmək, saxta sənət düzəltdirib əmlakını əlindən almağa çalışmaq? Sizin fikrincə bu nə qədər Ləyaqətli, Şərəfli işdir?

Məlumat üçün bildirirəm ki, artıq üçüncü ildir ki, Laçın rayon Dövlət Sosial Müdafiə Fondunun müdiri Mehdiyev Ramiz Bəbir oğlunun tutduğu vəzifədən və şəxsi əlaqələrindən istifadə edərək, mənim ailəmə qarşı etmiş olduğu qanunsuz, haqsız əməllərindən əziyyət çəkirik, həmin qanunsuzuluğun qarşısının alınması üçün müxtəlif dövlət orqanlarına müraciət etməyimə baxmayaraq bu günə qədər ötür-ötür oyunu oynayırlar, başda Dövlət Sosial Müdafi Fondunun sədri Elman Mehtiyev olmaqla bu günə qədər heç bir tədbir görən yoxdur. Bunlar yəqin düşünür ki, gərək kimsə özün yandırsın, öldürsün və ya hər hansı bədbəxt hadisə olsun ondan sonra reaksiya versinlər.

Cənab Prezident, açıq demək gərəkirsə Ramiz pulla, rüşvətlə əldə edə biləcəyi şeyləri əldə edir, mənim ailəmə mənəvi, psixolaji təziq göstərir və açığı mənim maddi cəhətdən onunla ayaqlaşmaq imkanım yoxdur. İndi Siz deyin mən nə edim? Bu ölkə uğrunda Şəhid verən bir ailənin bu ölkədə yaşamaq hüququ yoxdur? Mənim pulum yoxdu ona görə pul gücünə Ramiz kimiləri mənim haqqımı yeməlidi? DSMF-nun əməkdaşı müraciətimi araşdırmaq əvəzinə Ramizə vəkillik edib mənə hədə qorxu gəlməlidir? Hakimin müstəqilliyini hakimin Özbaşnalığı kimi dərk edən “HÖRMƏTLİ” Xanlar müəllim mənim hüquqlarımı pozmalıdı, məhkəmə protokollarını saxtalaşdırmalı, özündən sünü subutlar yaratmalıdı? Məni, ailəmi niyə həyatımızdan bezdirirlər? MƏNİM BU ÖLKƏDƏ YAŞAMAQ HÜQUQUM VAR???

Cənab Prezident Şəhid Ailəsi kimi ümidim Sizədir və ailəmə qarşı edilən haqsızlıqlara son qoyulmasını, gələcəkdə baş verə biləcək hər hansı bədbəxt hadisənin indidən qarşısının alınmasını, Laçın rayon Dövlət Sosial Müdafiə Fondunun müdiri Mehdiyev Ramiz Bəbir oğlu və Ağcabədi rayon Məhkəməsinin sədri Xanlar Fərhadovun barəsində tədbir görülməsini acizanə şəkildə Sizdən xahiş edirəm.

Qeyd edim ki, həyat yoldaşım Əli Talıbov Qarabağın azadlığı uğrunda gedən döyüşlərdə qəhrəmancasına Şəhid olub. Yaşadığımız küçə hazırda Onun adını daşıyır. Buna görə dövlətimizə minnətdaram ki, Şəhidin adını əbədiləşdiriblər. Ancaq çox təssüflər olsun ki, vəzifəyə təsadüfi gəlmiş, öz vəzifə səlahiyyətləri və haramlıqla topladığı kapitalı hesabına, DSMF-nin Laçın rayon şöbəsinin müdiri Ramiz Mehdiyev tutduğu mövqedən və şəxsi əlaqələrindən istifadə edərək, Şəhidin adını daşıyan küçədə, həmin şəhidin ailəsinə məxsus, yoldaşımın Şəhid olmazdan qabaq özünün bünövrəsini qoyduğu, həmçinin 29.10.1991-ci il tarixli Ağcabədi şəhər XDS icraiyyəkomitəsinin sərancamı ilə Ağcabədi rayon Kooperativ Cəmiyyətinin balansında olan, yəni Azərbaycan Mərkəzi Kooperativlər İttifaqı “AZƏRİTTİFAQ”-a məxsus olan və eyni zamanda bu günə qədər faktiki mənim istifadəmdə olmuş, bizim üçün daha çox mənəvi dəyəri olanmağazanın tikintisi üçün ayrılmış və həmin mağazanın altında yerləşən torpaq sahəsinə pul gücünə 07.08.2012-ci il tarixdə saxta kadastr planı (Torpaq sahəsinin plan və ölçüsü) sənəd alıb.

Qeyd etmək istəyirəm ki, mənim çoxsaylı müraciətlərim əsasında Azərbaycan Respublikası Dövlət Torpaq və XəritəçəkməKomitəsinin mütəxəssisləri tərəfindən araşdırma aparılaraq tam subut edib ki, həmin torpaq sahəsi heç zaman Ramiz Mehdiyevin qanuni istifadəsində və ya mülkiyyətində olmadığı halda həmin sənəd onun adına səhv olaraq hazırlanaraq verilib və həmin saxta “Torpaq sahəsinin plan və ölçüsü” sənədinin ləğv edilməsi üçün Komitə tərəfindən Şirvan İnzibati-İqtisadi Məhkəməsində iddia da qaldırıb.

Artıq bu qanunsuzluq faktı öz təsdiqini tapsa da DSMF-nin Laçın rayon şöbəsinin müdiri Ramiz Mehdiyev öz qanunsuz əməlindən əl çəkmək istəmir, çünki cəzasızlığı onu inadından əl çəkməməyə vadar edir, onun kimi müftəxorlar, vətən, vicdan anlayışının nə olduğunu bilməyən saxtakarlar öz maraqlarına görə nəinki şəhid ailəsinin haqqına girər, həttda vətənini satarlar. Belə çirkin niyyətli tiplərin bir amalı var nəyolla olur-olsun var-dövlət toplasınlar. Onun əməli qanunsuzluqdan çox, Şəhid ailəsinə, Şəhid ruhuna hörmətsizlikdir. Dəfələrlə DSMF-yə Ramiz Mehdiyevin qanunsuz əməlləri barədə müraciət etməmə baxmayaraq onun barəsində heç bir araşdırma aparılmayıb, görünür hansısa havadarına və ya nəyəsə görə ona “gözün üstə qaşın var” deyən tapılmır ona görə də Ramiz Mehdiyev öz qanunsuz əməlindən əl çəkmək istəmir”.

Sonda xatırladaq ki, ünvanına səsləndirilən ittihamlarla bağlı əməkdaşımız Laçın DSMF-nin sədri Ramiz Mehdiyevin əlaqə telefonuna zəng etsə də qarşı tərəf telefonu açmadı. Bununla belə, yazı dərc olunduqdan sonra da qarşı tərəfin mövqeyini işıqlandırmağa hazırıq.
SAVASH.ORG

Loading...
reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button