Manşet

Elçin Quliyev vəzifədən azad olunur: DSX-ya faktiki rəhbərliyi bu general həyata keçirir

Dövlət Sərhəd Xidmətinin rəisi general-polkovnik Elçin Quliyev yaxın zamanlarda öz vəzifəsi ilə vidalaşaq. Onun yerinə DSX rəisinin müavini, Sərhəd Qoşunlarının komandanı general-leytenant Araz Məmmədov təyin ediləcək.

“SAVAŞ” xəbər verir ki, bu haqda xəbəri Gununsesi.info yayıb. DSX-dakı mənbələrərdən bildirilib ki, bu təyinatla bağlı artıq Elçin Quliyevin özündə də bilgi var.

Bir müddət əvvəl DSX-da keçirilən antikorrupsiya əməliyyatlarının istintaqı ilə bağlı araşdırmaların nəticəsi Elçin Quliyevin yola salınmasını qaçılmaz edib.

Faktiki olaraq DSX-ya rəhbərliyi Araz Məmmədov həyata keçirir.

Yeni hərbi hissələrin açılışından tutmuş digər məsələlərin həllini ali rəhbərlik Araz Məmmədovla qərarlaşdırır.

Mənbə onu da deyib ki, DSX rəisi postuna Araz Məmmədovun müəyyən edilməsi təsadüf olmayıb. Belə ki, adıçəkilən xidmətdə Elçin Quliyevlə uzun müddət konfilikt münasibətində olan şəxs məhz Araz Məmmədov olub.

Hətta onun  general-leytenant alması Elçin Quliyevin başı üzərindən olub. Belə ki, Elçin Quliyevin DSX zabitlərinin ali hərbi rütbələrinin artırılması ilə bağlı Prezidentə yolladığı təqdimatında Araz Məmmədovun adı olmasa da “yuxarıdan” gələn zənglə bu məsələ öz həllini tapıb.

Ancaq rütbələrin verilməsi mərasimində Elçin Quliyev öz müavininə yeni rütbəni təqdim etməkdən imtina edib.

reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button