Manşet

“Dağlıq Qarabağın statusu razılaşdırılmalıdır…” – Lavrov bunun nə zaman ediləcəyini açıqladı

Dağlıq Qarabağın statusu məsələsi ATƏT-in Minsk Qrupunun həmsədrlərinin (Rusiya, ABŞ, Fransa) iştirakı ilə razılaşdırılmalıdır, amma indi ona deyil, regiona dinc həyatın qaytarılmasına diqqət yetirmək lazımdır.

“SAVAŞ” xəbər verir ki, bu barədə Rusiyanın xarici işlər naziri Sergey Lavrov “Primakov mütaliəsi” forumunda bildirib.

“Başa düşürəm ki, indi çoxları Dağlıq Qarabağın statusu məsələsinin həll edilməmiş qalmasından danışır. Bu, ATƏT-in Minsk Qrupunun həmsədrlərinin iştirakı ilə qəti olaraq razılaşdırılmalıdır. Hazırki mərhələdə isə həmsədrlər, yəqin ki, status problemini qaldırmaq yerinə, etimad tədbirlərinin möhkəmlənməsinə, humanitar məsələlərin həllinə, ermənilərin və azərbaycanlıların yenidən təhlükəsizlik və iqtisadi rifah şəraitində birgə yaşamaya başlamasına yardım etməlidirlər. Və onda, sizi inandırıram ki, iki-üç il sonra, belə bir yaşayışı təşkil etsək, bütün status problemləri daha asan həll ediləcək”, deyə TASS agentliyi Rusiya Federasiyası xarici işlər nazirindən sitat gətirir.

reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button