Manşet

Paşinyan Arayik fiqurunu şahmat taxtasından götürür – Köməkçisini Xankəndiyə göndərdi

Ötən gün Nikol Paşinyan köməkçisi Qagik İsaxanyanın Yuxarı Qarabağ ərazisinə göndərilməsinə dair bir sərəncam imzalayıb.  Bundan əvvəl isə Paşinyan Putinlə Moskvadakı son görüşündən dərhal sonra İrəvanda Qarabağdakı separatçı rejimin rəhbəri Araik Arutyunyanı qəbul edib və Araikin də tezliklə Rusiya paytaxtına yollanacağı haqda məlumatlar yayılıb.

Maraqlıdır, Paşinyanın bu addımları atmaqda məqsədi nədir?

“SAVAŞ” xəbər verir ki, mövzu ilə bağlı politoloq Əlimusa İbrahimov sfera.az-a açıqlamasında deyib ki, Qagik İsaxanyanın Nikol tərəfindən Qarabağa göndərilməsi Ermənistanda da birmənalı qarşılanmayıb:

“Qondarma respublikanın prezidenti adlandırılan Araik Arutyunyanın tezliklə əlində olan səlahiyyətlərdən məhrum ediləcəyi haqda məlumatlar dolaşır. Xankəndində ilişib qalmış ermənilər arasında bu “prezidentə” narazılıq son həddə çatıb. Digər tərəfdən Azərbaycanla münasibətlərin müsbət istiqamətdə inkişafı bu şəxsin səlahiyyətlərinin əlindən alınaraq Xankəndindən uzaqlaşdırılmasını tələb edir. Əks halda, yenidən hakimiyyət olimpinə oturacaq Paşinyan üçün vəziyyətə nəzarət etmək olduqca çətin olacaq.

Paşinyan İrəvanda olan Qarabağ erməni klanı ilə əlaqələndirici funksiyası yerinə yetirən Arutyunyanın aradan götürülməsi ilə Köçəryan-Sarkisyan cəbhəsinin zəiflətmək istəyir. Onun köməkçisi cəmi üç gün, 12-15 iyul tarixlərində Xankəndində ezamiyyətdə olacaq və işgüzar görüşlər keçirəcək. Bu üç günün nəticəsində Paşinyan Araik Arutyunyanın gələcək taleyi haqda qərar qəbul etməlidir”.

Müsahibimiz qeyd edib ki,  yeni Baş Nazirin köhnə “prezident” haqqında qəbul edəcəyi qərar heç də Arayik üçün sevindirici olmayacaq:

“Bu haqda Moskvadan yenicə dönən Paşinyanla Arayik arasında baş tutmuş söhbət zamanı ona məlumat verilib. Baş Nazir səlahiyyətlərini icra edənlə “prezident” arasında söhbətdən təşvişə düşən Arayik Arutyunyan yaxın günlərdə növbəti dəfə Moskvaya səfər edəcəyi haqda məlumat verib. Bu səfərin də hansı məsələlərlə əlaqədar ortaya atıldığı artıq heç kimdə şübhə yaratmır. Səfərin “prezident” statusundakı Arayikin Moskvaya son səfəri ola biləcəyi də…

Düşünürəm ki, Moskva bu dəfə Arayikin göz yaşlarına inanıb, onun vəzifədə qalmasına yardım etməyəcək. Rusiyanın Ermənistanda Paşinyanın qəzəbindən xilas etməyə çalışdığı daha önəmli fiqurlar var – Robert Köçəryan, Serj Sarkisyan və digərləri. Arayik Arutyunyan bu siyahıda sonuncu yerlərdən birini tutur. Həmçinin fikrimcə, bu yaxınlarda baş tutan Putin-Paşinyan görüşündə  Köçəryan və Sarkisyanın hakimiyyətdə təmsil olunmaları məsələsi müzakirə olunanlardan ən önəmlisi olub. Paşinyanın Rusiyanın tələbləri qarşısında müqavimət göstərdiyi haqda məlumatlar var və  belə olan halda, Arayik Arutyunyanın köməyinə gələcək qüvvənin olub-olmayacağı qaranlıq qalır. İstənilən halda Arayik ümidini itirmək istəmir”.

Günay Rəsulqızı

reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button