Manşet

İran Ermənistanda bu işləri görüb, bu iri layihələri maliyyələşdirib – SİYAHI

İran və Ermənistan arasında artıq uzun müddətdir, davamlı olaraq müxtəlif sahələr üzrə əməkdaşlıq mövcuddur. Bu istiqamətdə bir çox layihələr icra olunur, yeni müqavilələrin imzalanması üçün danışıqlar aparılır.

İran-Ermənistan əməkdaşlığı haqda danışan siyasi şərhçi Elçin Mirzəbəyli tərəflər arasıında 180-dən çox müqavilənin maliyyə çatışmazlığı ucbatından reallaşa bilmədiyini deyib.

Ekspert bununla belə icra olunan böyük layihələrin də az olmadığını bildirib:

“Hər il Ermənistanda və İranda hər iki tərəfin iş adamlarının iştirakı ilə bir neçə biznes-forum keçirilir. Sonuncu biznes-forum bir neçə ay öncə (20-30-iyun 2021-ci il) İrəvanda baş tutub və forumda İranın 25-dən çox şirkəti iştirak edib. Forumun işinə İranın elm və texnologiya üzrə vitse-prezidenti Mehdi Eliassi də qatılıb və həmin dövrdə Ermənistanın iqtisadiyyat naziri vəzifəsini icra edən Vaan Kerobyanla birlikdə “ağıllı şəhər” layihəsinin həyata keçirilməsi barədə razılığa da gəliblər.

İran Azərbaycanın iştirakı və təşəbbüsü ilə həyata keçirilən bütün layihələrə Ermənistanla birlikdə alternativlər tapmağa çalışıb və təbii ki, onların əhəmiyyətli hissəsini yerinə yetirə bilməyib. Tehranla İrəvanın bu məqsədlə imzaladıqları 180-dən çox müqavilənin əhəmiyyətli hissəsi maliyyə çatışmazlığı ucbatından icra olunmayıb, amma icra olunanları da var. Məsələn, Azərbaycanla Türkiyə arasında “Ümid körpüsü”nün açılışından dərhal sonra Tehran hərəkətə keçərək Araz çayı üzərindən İranla Ermənistanı birləşdirən körpünün inşasına başlayıb”.

E.Mirzəbəyli hazırda Ermənistanda 5 mindən çox Ermənistan şirkətinin qeydiyyatdan keçdiyini vurğulayıb:

“İran 2005-ci ildə Ermənistanda külək elektrik stansiyası inşa edib. 2007-ci ildə Mehri ilə Qafanı birləşdirən 91 kilometrlik yolun inşasını maliyyələşdirib və işin əhəmiyyətli hissəsini də İran şirkətləri yerinə yetitiblər. 2007-ci ildə İran-Ermənistan qaz kəmərinin birinci hissəsinin, 2008-ci ildə isə ikinci hissəsinin açılışı olub. 

Bundan başqa, özlərinin dediyi kimi, iki qardaş ölkənin elektrik enerjisinin mübadiləsi ilə bağlı çoxsaylı layihələri var. 2016-cı ildə Ermənistanın İranla həmsərhəd ərazilərinin qazlaşdırılmasına başlanılıb və lahiyəni də İran şirkətləri həyata keçirir. 2017-ci ildə açılışı olan Mehri Azad İqtisadi Zonası layihəsinin icrası iqtiqamətində işlər davam etdirirlir.

Araz çayı üzərinə Su Elektrik Sransiyasının inşası, “Fars” körfəzi-Qara dəniz dəhlizi, Türkmənistan-İran-Ermənistan qaz mübadiləsi, multimodal tranzit daşınmaları və digər bu kimi layihələr müzakirə mərhələsindədir.

2016-cı ildən başlayaraq, İran Ermənistan vətəndaşları üçün vizasız-gediş gəliş rejimi təqbiq edib.

Hazırda Ermənistanda 5 mindən artıq İran şirkəti qeydiyyatdan keçib və onların əhəmiyyətli hisəsi fəaliyyətini davam etdirir”.

Əzizə Zeynal

Sfera.az

reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button