Manşet

İlham Əliyev: \”Yanğınla bağlı mənə ziddiyyətli məlumatlar gəlir\”

İlham Əliyev: "Yanğınla bağlı mənə ziddiyyətli məlumatlar gəlir"“Bakının Binəqədi rayonunda yanğının baş verməsinin ilkin versiyası binanın keyfiyyətsiz və oda davamsız materiallarla üzlənməsidir.

Hazırda Bakı şəhərində oxşar üzlük materiallarla üzlənmiş binalar kifayət qədər çoxdur. Bəzi məlumatlara görə, onların sayı hətta 200-dən çoxdur. Mən artıq dünəndən Bakı Şəhər İcra Hakimiyyətinə və Fövqəladə Hallar Nazirliyinə göstəriş vermişəm ki, bütün buna oxşar materiallarla üzlənmiş binalarda dərhal ekspertiza keçirilsin, o materialların tərkibi dəqiq öyrənilsin. Əgər hər hansı bir təhlükə varsa, tezliklə üzlük materialları sökülsün, çıxarılsın, beləliklə, heç bir təhlükə olmasın”.

Bunu Azərbaycan prezidenti İlham Əliyev yanğınla əlaqədar yaradılan Dövlət Komissiyasının ilk iclasında deyib. Prezident vurğulayıb ki, bu işlər indiyə qədər görülməli idi: “Əgər bütün işlər düzgün şəkildə qurulsaydı, bu hadisə baş verməzdi. Mənə müxtəlif məlumatlar gəlir. Bəzi hallarda bu məlumatlar ziddiyyət təşkil edir. Ona görə də bu məsələdə aydınlıq olmalıdır. Azərbaycan vətəndaşları bilməlidir ki, günahkarlar kimdir və bu hadisəyə görə kim məsuliyyət daşıyır. Hər kəs nəticə çıxarmalıdır, hər bir dövlət məmuru öz məsuliyyətini dərk etməlidir\”.

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button