Manşet

İlham Əliyevin bəyanatı Vardanyanı açıqlama verməyə MƏCBUR ETDİ – Mətn

“Mən Azərbaycan Prezidenti İlham Əliyevin Qarabağda yaşayan ermənilərlə birbaşa dialoqa başlamaq istəyini alqışlayıram. Qarabağ erməniləri bu prosesdə subyekt olmalıdır”.

Sfera.az erməni mediasına istinadən xəbər verir ki, bunu Rusiya vətəndaşlığından imtina etmiş erməni milyarder Ruben Vardanyan bildirib:

“Beynəlxalq vasitəçiliklə birbaşa danışıqların yeni formatının yaradılmasını da alqışlayıram. Beynəlxalq vasitəçilər arasında Rusiya və ABŞ-la bərabər, mütləq Fransa da yer almalıdır. Çünki senatın bir neçə gün əvvəl qəbul etdiyi qətnamədə Dağlıq Qarabağın tanınması ilə bağlı bənd var. Nəzərinizə çatdırım ki, Fransa həm də ATƏT-in Minsk qrupunun həmsədr ölkəsidir.

Mən həm də təklif etmək istərdim ki, daha konstruktiv tona keçək və cənab Əliyevin fikrincə, mənim “gündəliyim”in nədən ibarət olduğuna dair aydınlıq gətirim. Mən dəfələrlə vurğulamışam ki, Qarabağ xalqının müqəddəratı ilə bağlı digər üçüncü qüvvənin maraqlarını qoruya biləcəyimlə bağlı ittihamlardan qaçmaq üçün Rusiya vətəndaşlığından imtina etmişəm. Düşünürəm ki, mən cənab Əliyevin təklif etdiyi kriteriyalara tam cavab verirəm”.

Vardaryan hər iki ölkə liderini sülhə çağırıb:

“Hər iki tərəfin liderləri bütün məsuliyyəti öz üzərinə götürməli və nə qədər çətin olsa da, danışıqlar masasına əyləşib qanı dayandırmalıdırlar”, – Ruben Vardanyanın postunda deyilir.

Xatırladaq ki, ötən gün Prezident İlham Əliyev Bakının Qarabağda yaşayan ermənilərlə danışıqlara hazır olduğunu, lakin rus xalqından oğurladığı pullarla milyardlar toplamış Vardanyan kimi insanlarla danışmaqdan imtina etdiyini bildirib.

Əzizə Zeynal

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button