Manşet

Yeni AXCP yaranır: Razi Nurullayev \”Azadlıq\” qəzetinə \”Əlini burax,yanımıza gəl\” dedi

Yeni AXCP yaranır: Razi Nurullayev "Azadlıq" qəzetinə "Əlini burax,yanımıza gəl" dedi“Əli Kərimliyə qarşı mübarizədə “Azadlıq” qəzetini də öz tərəfimizə çəkməyə çalışacağıq”.

Bu fikirləri azvision.az-a açıqlamasında Azərbaycan Xalq Cəbhəsi Partiyasının (AXCP) Etimad Qurultayının Təşkilat Komitəsinin rəhbəri Razi Nurullayev deyib. O, bildirib ki, bununla bağlı “Azadlıq” qəzetinə müraciət ünvanlayacağıq:

“Biz istəyirik ki, “Azadlıq” qəzeti də ayılsın. Qoy onlar da bilsinlər ki, Əli Kərimliyə yox, xalqa xidmət etmək lazımdır. Ona görə, bu qəzet müstəqil olmalıdır. Bu qəzet Əli Kərimlinin əsarətindən çıxsa, yaxşı olar. Ancaq qərar onlarındır”.

R. Nurullayev deyib ki, yaxın vaxtlarda yeni AXCP-nin rəsmi qəzeti nəşrə başlayacaq:
“Biz yaxın günlərdə “Cümhuriyyət” qəzetini buraxmağa başlayacağıq. Bu qəzet bizim rəsmi orqanımız olacaq. Qəzetin baş redaktoru Rəfail Becanov olacaq. Qeyd edim ki, qəzetin internet səhifəsi də olacaq. Eyni zamanda, AXCP-nin yeni formatda internet səhifəsini də yaradacağıq”.

Qeyd edək ki, bu gün keçirilən mətbuat konfransında AXCP sədrinin sabiq müavini Razi Nurullayev yeni AXCP yaratdığını bəyan edib.

Loading...
reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button