Mövqe

Paşinyan Ərdoğanın təklifinə belə cavab verdi: “Mən hazıram…”

Ermənistanın baş naziri Nikol Paşinyan ölkəsinin Türkiyə ilə münasibətləri normallaşdırmağa hazır olduğunu açıqlayıb.

Onun sözlərinə görə, Türkiyə prezidenti Ermənistanla münasibətlərin normallaşması ehtimalını açıq şəkildə bildirib.

“Bu bəyanatlarda Ermənistan-Türkiyə münasibətlərinin normallaşması, avtomobil və dəmir yolu əlaqələrinin bərpasını müzakirə etmək üçün bir fürsət görürük. Biz daha geniş kontekstə çevrilə biləcək danışıqlara hazırıq”, – deyə erməni mətbuatı Paşinyandan sitat gətirir.

Ermənistanın Baş naziri qeyd edib ki, əslində bölgə Şimalı Cənubla, Şərqi Qərblə birləşdirəcək bir qovşağa çevirməkdən gedir.

Nikol Paşinyan Rusiyanın bu prosesə kömək etməyə hazır olduğunu bildirib. Avropa Birliyi, xüsusən Fransa və ABŞ da bu prosesdə maraqlıdır. Həmçinin Çin və Hindistanın bölgədəki kommunikasiya layihələrinin inkişafında münasibəti də məlumdur.

O, bölgədəki sülhü və sabitliyi Ermənistan hakimiyyətinin uzunmüddətli strategiyası hesab etdiyini vurğulayıb.

Daha əvvəl Türkiyə Prezidenti Rəcəb Tayyib Ərdoğan Ankaranın Ermənistanla münasibətlərin tədricən normallaşmasına hazır olduğunu bildirmişdi.

anews.az

reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button