Nərminin qatili tapılıb? –DİN-dən reaksiya

Tovuz rayonunun Dondar Quşçu kəndində öldürülən 10 yaşlı Nərmin Quliyevanın qatili tapılıb.

Savash.org xəbər verir ki, qatil Nərmin Quliyevanın qonşuluğunda yaşayır və ailəni yaxından tanıyır. Nərminin meyitini aşkar edən də həmin şəxs olub.

Daxili İşlər Nazirliyinin (DİN) mətbuat xidmətinin rəisi Ehsan Zahidov isə Yenisabah.az-a bildirib ki, qatil saxlanılacağı təqdirdə ictimaiyyətə geniş açıqlama veriləcək.

“Bilmirəm kim nə yazır, nə deyir, amma belə bir şey olsa ictimaiyyətə rəsmi məlumat veriləcək”, – deyə Ehsan Zahidov vurğulayıb.