Cəbhədə gərginlik: Ohanyan əsgərlərinin öldürüldüyü yerə gəlir

Ermənistan müdafiə naziri Seyran Ohanyan ərazi idarəetmə və fövqəladə hallar naziri Armen Yeritsyanla birlikdə Azərbaycanla sərhəd Tavuş vilayətindədir.

Virtualaz.org saytı erməni KİV-lərinə istinadən xəbər verir ki, Ermənistanın Xilasetmə Xidmətinin rəhbərinin müavini Nikolay Qriqoryan nazirlərin döyüş mövqelərinə və ön xəttə baş çəkəcəklərini açıqlayıb.

Xatırladaq ki, bu gün səhər Azərbaycanla Ermənistan sərhədinin qərb istiqamətində gedən döyüşlər zamanı erməni ordusu bir leytenantını və bir əsgərini itirib, daha bir əsgərin vəziyyətinin kritik olduğu açıqlanıb. Yaralılar var.

Azərbaycan Müdafiə Nazirliyi düşmənin həmləsinin qarşısının alındığını, ordumuzun itki vermədiyini bəyan edib.

Saytların yığılması