Apreldə \”qış havası\” başa çatır – XOŞ XƏBƏR

Azərbaycanda yağışlı hava şəraiti aprelin 14-də gündüz saatlarına kimi davam edəcək.

Bu barədə Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova məlumat verib. Onun sözlərinə görə, sabah gündüz saatlarından başlayaraq yağıntıların tədricən kəsiləcəyi proqnozlaşdırılır: “Ayın 15 və 16-da gün ərzində əsasən yağmursuz hava şəraitinin müşahidə ediləcəyi gözlənilir. Temperatur bu günlə müqayisədə 2-3 dərəcə yüksələcək”.

Qeyd edək ki, son günlər Azərbaycanda temperatur 8 dərəcə aşağı düşüb.